Maikling tula tuungkol sa pagmamalasakit sa kapwa​

MALASAKIT SA KAPWA

Ang ating panahon ay nanggigipit na

Kalamidad ay nagkalat, nanunuligsa

Dapat lang pigilan natin ng sama-sama

Maghawak kamay tayong mga tao sa bansa

Isantabi muna ang pride at galit

Tulungang bumangon ang mga maliliit

Kung may maitutulong sa mga nagigipit

Huwag nang mag-alintana, agad na sumaglit

Mahalin ang kapwa, tulungan sila

Silang mga kapos, walang kinikita

Dahil sa COVID-19, pansamantala

Sa bahay na muna ang bawat isa

Malalagpasan din natin ang sakuna

Kung tulong-tulong at magkakaisa

Tayong mga tao ay magsama-sama

Nang ang problema ay agad mapuksa

 

ANO ANG TULA?

Ang tula ay isang uri ng literaturang pampanitikan na nagpapahayag ng damdamin o kuwento sa masining na paraan. Kadalasan, ito ay may apat na taludtod sa isang saknong. May mga tula rin na lagpas sa apat ang taludtod sa isang saknong depende sa uri ng tulang isusulat. Gayunpaman, mas madaling matukoy ang isang tula kapag ito ay may sukat at tugma.

DALAWANG URI NG TULA Malayang tula. Ang malayang tula ay tulang walang sukat at tugma. Malaya nitong inilalahad sa masining na paraan ang damdamin o kuwento ng isang makata. Di Malayang tula. Ito ay uri ng tula na may sukat at tugma. Ang bawat pantig sa bawat taludtod ay binibilang at kailangang iisa o walang pagkakaiba sa sukat ng mga pantig nito sa bawat saknong. May tugma rin sa mga salita sa bawat pagtatapos ng taludtod.

Para sa karagdagang kaalaman, maaaring buksan ang:

#LetsStudy